12:44pm 08 November 2026
NEWS :: LATEST NEWS
ഡൽഹിയിലെ ഗതാഗത സ്തംഭനം ഒഴിവാക്കാൻ സുപ്രീം കോടതിയുടെ അടിയന്തര ഇടപെടൽ: മെട്രോയും ട്രെയിനുകളും പൂർണ്ണമായി അടച്ചുപൂട്ടില്ല
ന്യൂഡൽഹി:ഡൽഹിയിൽ പ്രഖ്യാപിച്ച പ്രതിഷേധങ്ങളുടെ പശ്ചാത്തലത്തിൽ നഗരത്തെ സ്തംഭിപ്പിച്ചേക്കാമായിരുന്ന കടുത്ത ഗതാഗത നിയന്ത്രണങ്ങൾക്കെതിരെ സുപ്രീം കോടതിയുടെ ശക്തമായ ഇടപെടൽ. ട്രെയിൻ സർവീസുകളും ഡൽഹി മെട്രോയും പൂർണ്ണമായി അടച്ചുപൂട്ടുന്നത് ഒഴിവാക്കിക്കൊണ്ട്, നിയന്ത്രിതമായി സർവീസ് നടത്താൻ കേന്ദ്ര സർക്കാരിന് കോടതി നിർദ്ദേശം നൽകി. ഇന്ന് നിശ്ചയിച്ച പ്രതിഷേധങ്ങളുടെ പേരിൽ 57 മെട്രോ സ്റ്റേഷനുകൾ അടച്ചുപൂട്ടാനും പ്രധാന ട്രെയിനുകൾ റദ്ദാക്കാനുമായിരുന്നു അധികാരികളുടെ തീരുമാനം. ......
വൈദ്യുതി റെഗുലേറ്ററി കമ്മീഷനുകളിലെ ഒഴിവുകൾ: 15 സംസ്ഥാനങ്ങൾക്കും ജമ്മു കശ്മീരിനും സുപ്രീം കോടതി നോട്ടീസ്
ന്യൂഡൽഹി: പതിനഞ്ച് സംസ്ഥാനങ്ങളിലും ജമ്മു കശ്മീരിലുമുള്ള വൈദ്യുതി റെഗുലേറ്ററി കമ്മീഷനുകളിൽ നിലനിൽക്കുന്ന ഒഴിവുകൾ നികത്തുന്നതിനും, നിയമപരമായി യോഗ്യതയുള്ള അംഗങ്ങളുടെ നിയമനം ഉറപ്പാക്കുന്നതിനുമുള്ള പൊതുതാൽപ്പര്യ ഹർജിയിൽ സുപ്രീം കോടതി നോട്ടീസ് അയച്ചു. ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ്മല്യ ബാഗ്ചി, ജസ്റ്റിസ് വി. മോഹന എന്നിവരടങ്ങിയ ബെഞ്ചാണ് 'എനർജി വാച്ച്ഡോഗ്' എന്ന എൻ.ജി.ഒ സമർപ്പിച്ച ഹർജിയിൽ മറുപടി തേടിയത്. കമ്മീഷനുകളുടെ ഘടനയിലുള്ള ഒഴിവുകളും അപര്യാപ്തതകളും അവയുടെ റെഗുലേറ്ററി, അഡ്ജുഡിക്കേറ്ററി പ്രവർത്തനങ്ങളെ സാരമായി ബാധിക്കുന്നുണ്ടെന്നും, ഇത് വൈദ്യുതി ഉപഭോക്താക്കൾക്ക് നിയമപരമായ പരിഹാരങ്ങൾ ലഭിക്കാത്ത സാഹചര്യമുണ്ടാക്കുന്നുവെന്നും ഹർജിയിൽ വ്യക്തമാക്കുന്നു. ഭരണഘടനയുടെ 14, 21ആർട്ടിക്കിളുകളുടെയും, 2003-ലെ വൈദ്യുതി നിയമത്തിന്റെയും, 'ഗുജറാത്ത് സർക്കാറും യൂട്ടിലിറ്റി യൂസേഴ്സ് വെൽഫെയർ അസോസിയേഷനും' തമ്മിലുള്ള കേസിൽ 2008-ൽ സുപ്രീം കോടതി പുറപ്പെടുവിച്ച വിധിയുടെയും നഗ്നമായ ലംഘനമാണിതെന്ന് ഹർജിയിൽ ചൂണ്ടിക്കാണിക്കുന്നു. സംസ്ഥാന വൈദ്യുതി റെഗുലേറ്ററി കമ്മീഷനുകളിൽ നിയമപരമായി യോഗ്യതയുള്ള ഒരു അംഗം ഉണ്ടായിരിക്കണമെന്നും തീർപ്പുകൽപ്പിക്കൽ പ്രവർത്തനങ്ങൾ നടത്തുന്ന എല്ലാ ബെഞ്ചുകളിലും അങ്ങനെയൊരാൾ ഉൾപ്പെട്ടിരിക്കണമെന്നും ആ വിധിയിൽ സുപ്രീം കോടതി വ്യക്തമാക്കിയിരുന്നു. തമിഴ്നാട്ടിലെ അവസ്ഥ എടുത്തുകാട്ടിക്കൊണ്ട്, ചെയർപേഴ്സൺ, അംഗം (നിയമം), അംഗം (സാങ്കേതികവികം) എന്നീ മൂന്ന് തസ്തികകളും ഒഴിഞ്ഞുകിടക്കുകയാണെന്നും, ഇത് കമ്മീഷന്റെ പ്രവർത്തനങ്ങളെ പൂർണ്ണമായും സ്തംഭിപ്പിച്ചിരിക്കുകയാണെന്നും ഹർജിയിൽ പറയുന്നു. ആന്ധ്രാപ്രദേശിൽ നിയമപരമായ പശ്ചാത്തലമില്ലാത്ത, ധനകാര്യ വിഭാഗത്തിൽ നിന്നുള്ള ഒരു അംഗം മാത്രമാണ് കമ്മീഷൻ നടത്തിപ്പിലുള്ളതെന്നും, ചെയർപേഴ്സൺ, സാങ്കേതിക അംഗം എന്നീ തസ്തികകൾ ഒഴിഞ്ഞുകിടക്കുകയാണെന്നും ഹർജിയിൽ ആരോപിക്കുന്നു. കൂടാതെ പശ്ചിമ ബംഗാൾ, മണിപ്പൂർ, മിസോറാം, നാഗാലാൻഡ്, ഹിമാചൽ പ്രദേശ്, മേഘാലയ, ജമ്മു കശ്മീർ - ലഡാക്ക് സംയുക്ത വൈദ്യുതി റെഗുലേറ്ററി കമ്മീഷൻ എന്നിവിടങ്ങളിലെയും ഒഴിവുകൾ ഹർജിയിൽ ചൂണ്ടിക്കാണിച്ചിട്ടുണ്ട്. പശ്ചിമ ബംഗാൾ, മധ്യപ്രദേശ്, തമിഴ്നാട്, ആന്ധ്രാപ്രദേശ്, ഒഡീഷ, കേരളം, ജാർഖണ്ഡ്, ഛത്തീസ്ഗഡ്, ഹരിയാന, ഹിമാചൽ പ്രദേശ്, മേഘാലയ, സിക്കിം, മണിപ്പൂർ, മിസോറാം, നാഗാലാൻഡ് എന്നീ സംസ്ഥാനങ്ങൾക്കു പുറമേ ജമ്മു കശ്മീരുമാണ് ഹർജിയുടെ പരിധിയിൽ വരുന്നത്. വൈദ്യുതി നിയമത്തിലെ 82, 84, 85 വകുപ്പുകൾക്കും 2008-ലെ കോടതിവിധിയുടെ നിർദ്ദേശങ്ങൾക്കും അനുസൃതമായി കമ്മീഷനുകൾ രൂപീകരിക്കാൻ ബന്ധപ്പെട്ട അധികാരികൾക്ക് നിർദ്ദേശം നൽകണമെന്ന് എനർജി വാച്ച്ഡോഗ് ആവശ്യപ്പെട്ടിട്ടുണ്ട്. നിയമത്തിലെ 142-ാം വകുപ്പ് പ്രകാരമുള്ള നടപടികൾ ഉൾപ്പെടെയുള്ള ഉപഭോക്താക്കളുടെ നീതി പ്രാപ്തി, അനന്തമായി നീളുന്ന നിയമനങ്ങളെ ആശ്രയിച്ചാകാൻ പാടില്ലെന്ന് ഹർജിക്കാരൻ വാദിച്ചു. ......
ഗ്രീൻ കാർഡ് നടപടികൾ മരവിപ്പിച്ച് യുഎസ്; വാൻസിന്റെ ‘കരാർ അടിമകൾ’ പരാമർശത്തിൽ ഇന്ത്യയ്ക്ക് കടുത്ത അതൃപ്തി
ന്യൂഡൽഹി: ഇന്ത്യൻ ഐടി മേഖലയെ ബാധിക്കുന്ന യുഎസ് തീരുമാനത്തിനെതിരെ ശക്തമായ നിലപാടുമായി ഇന്ത്യ. ടിസിഎസ്, ഇൻഫോസിസ് ഉൾപ്പെടെ എട്ട് പ്രമുഖ കമ്പനികളിലെ ജീവനക്കാരുടെ ഗ്രീൻ കാർഡ് നടപടികൾ മരവിപ്പിച്ച അമേരിക്കയുടെ നീക്കം ഇരുരാജ്യങ്ങളുടെയും പൊതുതാൽപര്യങ്ങൾക്ക് ഗുണകരമല്ലെന്ന് വിദേശകാര്യ മന്ത്രാലയം വ്യക്തമാക്കി. ......
മഴ തുടരും; നാല് ജില്ലകളിൽ ഇന്ന് യെല്ലോ അലർട്ട്
തിരുവനന്തപുരം: സംസ്ഥാനത്ത് മഴയ്ക്ക് ശമനമില്ല. ഇന്നും ഒറ്റപ്പെട്ടയിടങ്ങളിൽ ശക്തമായ മഴ ലഭിക്കുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ......
ഇടനിലക്കാരെ ഒഴിവാക്കി സംസ്ഥാന സർക്കാർ; ഇൻസുലിൻ വിലയിൽ വൻ കുറവ്; 18.50 കോടി ലാഭിക്കാം
തിരുവനന്തപുരം: മരുന്ന് വാങ്ങുന്നതിൽ ഇടനിലക്കാരെ ഒഴിവാക്കി കമ്പനികളുമായി നേരിട്ട് വിലപേശിയതോടെ വൻ സാമ്പത്തിക നേട്ടവുമായി കേരള മെഡിക്കൽ സർവീസസ് കോർപറേഷൻ (കെഎംഎസ്‌സിഎൽ). സർക്കാർ ആശുപത്രികളിൽ വിതരണം ചെയ്യുന്ന ഇൻസുലിൻ ഉൾപ്പെടെയുള്ള മരുന്നുകളുടെ വില ഗണ്യമായി കുറയ്ക്കാനായി. ......
വീട്ടിലെ വരാന്തയിൽ തലയിടിച്ച് വീണു; രണ്ട് വയസുകാരന് ദാരുണാന്ത്യം
കോഴിക്കോട്: വീട്ടിലെ വരാന്തയിൽ വീണ് തലയ്ക്ക് പരിക്കേറ്റ രണ്ട് വയസുകാരൻ മരിച്ചു. വളയം സ്വദേശികളായ ജിതിൻ–ബിജിഷ ദമ്പതികളുടെ മകൻ യവിൻ യുവിക് ആണ് മരിച്ചത്. ......
ബൈക്ക് അപകടത്തിൽ റോഡിലേക്ക് വീണ യുവതിയുടെ തലയിലൂടെ ലോറി കയറിയിറങ്ങി; നഴ്‌സിന് ദാരുണാന്ത്യം
ഇരുമ്പനം: കാറിന് പിന്നിൽ ബൈക്ക് ഇടിച്ചുണ്ടായ അപകടത്തിൽ റോഡിലേക്ക് വീണ യുവതി മിനി ടാങ്കർ ലോറിയിടിച്ച് മരിച്ചു. മുണ്ടക്കയം പാലൂർക്കാവ് തെക്കേമല ആലഞ്ചേരി ആന്റണി–മോളി ദമ്പതികളുടെ മകൾ ബിന്നിമോൾ ആന്റണി (26) ആണ് മരിച്ചത്. ഇരുമ്പനം പുതിയ റോഡ് ജംക്‌ഷന് വടക്ക് മാക്‌സ്ഫൺ ഹോട്ടലിന് മുന്നിൽ വ്യാഴാഴ്ച രാത്രി 8.30ഓടെയായിരുന്നു അപകടം. ......
കൊലക്കേസ് പ്രതികളായ തടവുകാരെ വീട്ടുജോലിക്ക് ഉപയോഗിച്ചു; ഒളിവിലായിരുന്ന വനിതാ ജയിലർ പിടിയിൽ
ജയ്പൂർ: ജയിലിലെ സുരക്ഷാ ചട്ടങ്ങൾ ലംഘിച്ച് കൊലക്കേസുകളിൽ ജീവപര്യന്തം തടവുശിക്ഷ അനുഭവിക്കുന്ന രണ്ട് വനിതാ തടവുകാരെ സ്വന്തം ഫ്ലാറ്റിലെത്തിച്ച് ശുചീകരണ ജോലികൾ ചെയ്യിപ്പിച്ചെന്ന കേസിൽ വനിതാ ജയിലർ അറസ്റ്റിൽ. അജ്മീർ സെൻട്രൽ ജയിലിലെ ജയിലറായ ദിവ്യ ചൗധരിയെയാണ് രണ്ടുമാസത്തോളം ഒളിവിൽ കഴിഞ്ഞതിനു ശേഷം കോട്ടയിൽ നിന്ന് പൊലീസ് അറസ്റ്റ് ചെയ്തത്. ......
13 പേരുടെ ജീവനെടുത്ത സൈനികന്റെ വധശിക്ഷ ലൈവായി കാണിക്കുമെന്ന് അമേരിക്ക; ഫയറിങ് സ്ക്വാഡ് ഡിസംബർ മൂന്നിന്
വാഷിങ്ടൺ: അമേരിക്കയിൽ വധശിക്ഷ പരസ്യമായി നടപ്പാക്കുന്നതിനും നടപടികൾ തത്സമയം സംപ്രേഷണം ചെയ്യുന്നതിനുമുള്ള നീക്കം വിവാദമാകുന്നു. 2009ൽ ടെക്സസിലെ ഫോർട്ട് ഹുഡ് സൈനിക താവളത്തിൽ വെടിവയ്പ് നടത്തി 13 പേരെ കൊലപ്പെടുത്തിയ നിദാൽ ഹസന്റെ വധശിക്ഷ ഫയറിങ് സ്ക്വാഡ് വഴി നടപ്പാക്കാനാണ് തീരുമാനം. ......
രാഷ്ട്രപതി വോട്ട് ചോരി ആരോപണം തള്ളിയില്ലെന്ന് രാഹുൽ; വാദം അടിസ്ഥാനരഹിതമെന്ന് രാഷ്ട്രപതി ഭവൻ
ന്യൂഡൽഹി: വോട്ട് ചോരി ആരോപണത്തിൽ രാഷ്ട്രപതി ദ്രൗപതി മുർമു തങ്ങളുടെ വാദം തള്ളിയില്ലെന്ന രാഹുൽ ഗാന്ധിയുടെ പ്രസ്താവന വിവാദത്തിൽ. രാഷ്ട്രപതി ഇത്തരമൊരു പരാമർശം നടത്തിയിട്ടില്ലെന്ന് രാഷ്ട്രപതി ഭവൻ വൃത്തങ്ങൾ വ്യക്തമാക്കി. ......
LATEST NEWS
